GREQI– Një incident i rëndë është regjistruar këtë të hënë në Spitalin e Përgjithshëm të Korinthit ku një 25-vjeçar është futur në ambientet e spitalit me një bidon benzine në dorë dhe ka kërcënuar mjekët se do u vërë flakën. Siç raportojnë mediat i riu kishte qenë më herët në urgjencë dhe është vizituar nga mjekët, por pak orë më pas ai ishte rikthyer me benzinën me vete.
Mjekët, infermierët dhe pacientët janë përpjekur të bindin 25-vjeçarin që të linte bidonin, por ai ka vazhduar ti kërcënonte deri në momentin që kanë mbërritur efektivët e policisë. Në momentin që këta të fundit kanë tentuar ta arrestojnë, 25-vjeçari u ka ikur nga duart dhe ka nisur të vrapojë, por është kapur më pas nga efektivët.
