GREQI– Presidenti i Ukrainës Volodymyr Zelensky ka mbërritur pak minuta më parë në Athinë ku është pritur nga kryeministri grek Kyriakos Mitsotakis. Takimi po zhvillohet në pallatin Maximos. Mediat e huaja raportojnë se vizita është paralajmëruar në minutën e fundit për arsye sigurie, ndërsa në orën 19:50 Zelensky do të pritet nga presidentja e Republikës, Katerina Sakellaropoulou.
Pas takimit “kokë më kokë” me Mitsotakis pritet që të zhvillohet dhe një takim i zgjeruar me pjesëmarrjen e dy delegacioneve. Volodymyr Zelensky po bën vizitën e tij të parë zyrtare në Greqi dhe e para që nga pushtimi rus i Ukrainës, pas ftesës së drejtuar nga Kyriakos Mitsotakis gjatë pranverës së vitit të shkuar.
