CËRRIK– Një 54-vjeçare ka denoncuar këtë të martë në Policinë e Cërrikut zhdukjen e djalit të saj, 25 vjeç të identifikuar me inicialet S.E. Sipas dëshmisë së nënës, i riu prej dy vitesh punonte dhe jetonte në Tiranë. Që prej janarit ata nuk kanë asnjë kontakt me djalin.
NJOFTIMI I POLICISË:
Ditën e djeshme, rreth orës 11:00, në ambientet e Komisariatit të Policisë Cërrik, ka bërë kallëzim shtetasja S. E., 54 vjeçe, banuese në Cerrik, se që prej datës 28.01.2023, ka humbur kontaktet me djalin e saj, shtetasin S. E., 25 vjeç, i cili prej 2 vjetësh jetonte dhe punonte në Tiranë. Vijon puna për gjetjen e shtetasit S. E. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
