VLORË– Policia e Vlorës ka reaguar pasditën e kësaj të marte në lidhje me një video skanadaloze ku disa të mitura bullizojnë dhe dhunojnë një bashkëmoshatare të tyre. Në videon e publikuar nga “JOQ” shihet se si një nga vajzat i gjuan disa herë me shuplaka, e kap nga flokët dhe e tërheq zvarrë. Ndërkohë dy të tjerë fillojnë dhe qeshin me skenën e shëmtuar. Policia bën me dije se ka nisur hetimin për identifikimin e të miturave dhe sqarimin e rrethanave të ngjarjes.
Dhunohet nga shoqet e mitura në Vlorë! pic.twitter.com/JrpacvNPLs
— JOQ Albania (@JoqAlbania) August 22, 2023
NJOFTIMI I POLICISË:
Në lidhje me një video të publikuar në rrjete sociale, në të cilën shfaqen disa të mitura që dhunojnë dhe bullizojnë një bashkëmoshatare të tyre, ju informojmë se: Menjëherë pas publikimit të videos, strukturat e Policisë së Vlorës kanë nisur hetimet dhe verifikimet për identifikimin e të miturave dhe sqarimin e plotë të rrethanave të rastit.
