TURQI– Një zjarr masiv që shpërtheu në një pyll në provincën veriperëndimore të Turqisë detyroi autoritetet që të pezullonin trafikin detar në Ngushticën e Dardaneleve. Shërbimi i anijeve Tribeca theksoi se trafiku në Dardanele u pezullua në të dy drejtimet në orën 18:45 të ditës së sotme, pasi avionët zjarrfikës që operojnë në zonë pompojnë ujin nga deti.
Nëntë fshatra, si dhe një kampus universitar u evakuuan në zonë, njoftoi guvernatori i provincës. Më shumë se 420 zjarrfikës po punojnë për të vënë zjarrin nën kontroll, me ndihmën e 10 avionëve zjarrfikës, tha Agjencia Turke e Menaxhimit të Fatkeqësive (AFAD).
