TIRANË– Detaje të reja janë zbardhur në lidhje me aksidentin e rëndë të regjistruar një ditë m,ë parë në digën e Liqenit Artificial, në Tiranë. Eldi ALushi, shoferi i “çmendur” që shkaktoi aksidentin ka dhënë dëshmi kontradiktore para hetuesve sa i përket ngjarjes. Kështu fillimisht ai ka deklaruar se nuk ishte ai në drejtim të mjetit por më vonë ka hedhur poshtë këtë version duke u shprehur se i ka ngelur pedalja e gazit e takuar.
Hetimet e kryera zbuluan se në në momentin e aksidentit Eldi Alushi nuk ka qenë i vetëm në mjet por me dy persona të tjerë. Konkretisht Jurgen Allushi e Emiljano Nina. Pas ngjarjes Alushi doli nga mjeti i lënduar, hoqi targat e tij për të vështirësuar zbulimin dhe më pas u largua duke qëndruar disa kohë në arrati.
Në videon e publikuar një ditë më parë shihet momenti kur makina, e cila po udhëtonte me shpejtësi “skëterrë” në “Rrugën e Kosovarëve” vijon rrugën drejt dhe ngjitet në digën e Liqenit duke u përplasur me betonin në fund të saj. Fatmirëisht në momentin e aksidentit në digën e Liqenit Artificial, e cila shërben vetëm për kalimtarët të cilët bëjnë ecje dhe vrap nuk kishte qytetarë, duke shmangur kështu një bilac tragjik me viktima dhe të plagosur.
Ndërkohgë po kryehen hetime sa i përket gjendjes në të cilën ndodhej Alushi në momentin e aksidentit për të zbuluar nëse i riu ishte në efektin e lëndëve narkotike apo pijeve alkoolike. Po ashtu do të kryehen hetime në lidhje me itenerarin që ndoqi i riu pasi u largua nga vendi i aksidentit.
