GREQI– Kryeministri i Greqisë Kyriakos Mitsotakis ka falenderuar këtë të mërkurë vendin tonë për dërgimin e ekipeve të zjarrfikësve të cilët do të ndihmojnë autoritetet greke për shuarjen e flakëve në Aleksandropoli. Forcat shqiptare të ekipeve të emergjencave do të bashkëpunojnë dhe me ekipet e vendeve të Bashkimit Europian të cilat janë bashkuar për të ndihmuar Greqinë.
REAGIMI:
Falënderimet tona shkojnë për Shqipërinë, që dërgoi në Greqi 48 zjarrfikës dhe 9 automjete për t’u bashkuar me ne për të luftuar zjarret në Aleksandropoli. Faleminderit Shqipëri.
Our thanks go out to Albania, for sending to Greece 48 firefighters and 9 vehicles to join us as we fight the wildfires in Alexandroupoli. Thank you, Albania. 🇦🇱🇬🇷@ediramaal
— Prime Minister GR (@PrimeministerGR) August 23, 2023
Ndërkohë më herët gjatë ditës së sotme u raportua se Greqia kishte refuzuar ndihmën e Shqipërisë në luftën kundër zjarreve dhe kishte kthyer pas zjarrfikësit në doganë. Ndërsa këtë pasdite u raportua se ekipet zjarrfikëse shqiptare janë nisur drejt Greqisë. Marrëdhëniet mes dy vendeve janë të tensionuara në rrafshin politik pas arrestimit të kryebashkiakut të zgjedhur të Himarës Fredi Beleri.
