KAVAJË– Daniel Habibi, 23 vjeç ëhstë vënë në prangat e Policisë së Kavajës këtë të enjte pasi në bashkëpunin dhe më nje person tjetër dhunoi një natë më parë 44-vjeçarin Zenel Lushkja të cilit i kishte edhe 25 mijë euro borxh. Pas një debati verbal, situata agravoi në përdorimin e dhunës ku 23-vjeçari goditi disa herë Lushkjan dhe më pas i dëmtoi makinën. Ngjarja ndodhi në mes të rrugës dhe disa qytetarë u mundua të shuajnë sherrin por ishte e pamundur. Zenel Lushkja ndodhet në spital nën kujdesin e mjekëve për shkak të plagëve të shkaktuara nga goditjet.
NJOFTIMI I POLICISË:
Goditi me sende të forta 44-vjeçarin dhe i dëmtoi automjetin, kapet dhe arrestohet 23-vjeçari i shpallur në kërkim mbrëmjen e djeshme. Si rezultat i veprimeve të shpejta operacionale të kryera për dëmtimin me sende të forta të shtetasit Z. L., 44 vjeç, të kryer rreth orës 20:15, të mbrëmjes së djeshme, në lagjen nr. 1, Kavajë, specialistët për Hetimin e Krimeve të Komisariatit të Policisë Kavajë kapën dhe vunë në pranga shtetasin e shpallur në kërkim D. H., 23 vjeç. 23-vjeçari, së bashku me shtetasin Q. B., për motive të dobëta, kanë goditur me sende të forta, shtetasin Z. L., si dhe i kanë dëmtuar atij, automjetin. 44-vjeçari, pasi ka marrë asistencë mjekësore, është larguar në banesë, ndërkaq Policia vijon punën për kapjen e shtetasit Q. B., si dhe për identifikimin dhe kapjen e shtetasve të tjerë që mund të jenë të implikuar në këtë rast. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Plagosja e lehtë me dashje” dhe “Shkatërrimi i pronës”.
