SARANDË– Detaje të reja janë zbardhur në lidhje me aksidentin tragjik të regjistruar mëngjesin e kësaj të enjte ku një motor u përplas me një makinë e për pasojë dy opersonat që udhëtonin në motomjet humbën jetën në vendin e ngjarjes. Bëhet me dije se viktimat janë dy turistë italianë Domenico Gritto dhe Vicenzo Tizziano. Ndërkohë mjeti tip “Benz” drejtohej nga një 17-vjeçar ndërsa pasagjer ishte një 16-vjeçar. Të dy ndodhën në spital nën kujdesin e mjekëve.
Ndërkohë si pasojë e këtij aksidenti të rëndë Drejtori i Përgjithshëm i Policisë së Shtetit Muhamet Rrumbullaku ka pezulluar nga detryra Shefin e Seksionit të Policisë Rrugore në Komisariatin e Policisë Sarandë Adriatik Shehu ndërsa nën hetim është vënë gjithë zinxhiri komandues në Policisë e Sarandës. Ndërkohë është ngritur një grup i posaçëm për hetimin e ngjarjes.
NJOFTIMI I POLICISË:
Sarandë/Informacion paraprak. Rreth orës 03:00 të datës 24.08.2023, në aksin rrugor Sarandë-Ksamil, në vendin e quajtur “Hidrovor”, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”. Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”. Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet. Grupi hetimor po punon për sqarimin e rrethanave të aksidentit
