TIRANË– Ministria e Shëndetësisë Ogerta Manastirliu pas mbledhjes së qeverisë të zhvilluar këtë të enjte ka njoftuar rialokimin e fondeve për shërbimet spitalore. Sipas Manastirliut buxheti i shtetit ka alokuar 1.3 miliardë lekë drejt buxheteve të spitaleve në kuadër të politikave për mbështetjen e financimit të pagave për personelin mjekësor dhe infermieror
Ogerta Manastirliu: Ndër vendimet e rëndësishme që u morën sot kemi një vendim për rialokimin e fondeve për shërbimin spitalor. Në kuadër të politikave qeveritare për mbështetjen e financimit të pagave për personelin mjekësor dhe infermieror, buxheti i shtetit ka alokuar 1.3 miliardë lekë për këtë rritje, e cila vjen në buxhetin spitalor nga ai shtetëror. Me investimet e bëra në këto vite, kemi vendosur të krijojmë rezervën e nevojshme që t’i atribuojmë çdo spitali në vend buxhetin e nevojshëm për mbulimin e pagave që tanimë janë rritur dhe shpenzimet e tjera. Nga ana tjetër jemi të dedikuar të mbështesim shërbimin spitalor me një buxhet që zgjeron gamën e ndërhyrjeve dhe përgatitet për të ofruar shërbime të reja. Buxhetet po alokohen për të bërë të mundur mbështetjen e gjithë procedurave.
