TIRANË– Detaje të reja kanë dalë në dritë nga vrasja e 49-vjeçarit Edmond Papa ditën e djeshme në zonë e Selitës në kryeqytet.
Mësohet se ai kishte ardhur bashkë me nënën e tij nga Saranda për ta vizituar këtë të shtunë tek mjeku. Por planet e bëra u prenë në mes pasi ai u ekzekzutua brenda në një lokal afër shtëpisë së të vëllait me 9 plumba pistolete që i morën jetën.
Burime pranë grupit hetimor bëjnë me dije se autori ka qenë i mirë informuar për lëvizjet e 49 vjeçarit. Kamerat e sigurisë të zonës dhe jashtë lokalit ku ndodhi vrasja kanë fiksuar momentet kur autori ka qëndruar për disa minuta në këmbë pranë pallatit ku banonte vëllai i 49 vjeçarit.
Papa ishte një biznesmen i njohur në zonën e Sarandës ku kishte dhe një hotel, bëhet fjalë për Blu Sky” hotel. Gjithashtu ai kishte prona në plazhin e Ksamilit. Poëicia dyshon se e shkuara e tij kriminale ka qenë dhe shkaku i vrasjes së tij. Ai rezulton i dënuar për drogë në Greqi e po për të njëjtën akuzë është akuzuar dhe në Britaninë e Madhe. Autori i krimit mbetet ende i paidentifikuar nga Policia.
