RUSI– Zëdhënsi i Kremlinit Dmitry Peskov ka mohuar këtë të premte akuzat se presidenti rus Vladimir Putin ka urdhëruar vrasjen e kreut të grupit mercenar Wagner Yevgeny Prigozhin. Peskov tha se çdo akuzë se Kremlini qëndron pas vdekjes së shefit të Wagner, Yevgeny Prigozhin është një gënjeshtër absolute. Sipas tij Vladimir Putin dhe Prigozhin nuk ishin takuar kohët e fundit dhe çdo sugjerim se shefi mercenar u vra me urdhër të Kremlinit është spekulim.
Dmitry Peskov: Tani ka shumë spekulime rreth këtij aksidenti ajror dhe vdekjeve tragjike të pasagjerëve të avionit, përfshirë Yevgeny Prigozhin. Sigurisht, në Perëndim, të gjitha këto spekulime paraqiten nga një kënd i njohur. E gjithë kjo është një gënjeshtër absolute dhe këtu, kur trajtohet kjo çështje, është e nevojshme të bazoheni në fakte.
