SHKODËR-Një varkë e ushtrisë në të cilën ndodhej dhe deputetja demokrate e Shkodrës Gerta Bardeli është bllokuar në fshatin Obot. Terreni i vështirë në këtë zonë e bën të pamundur kalimin me mjete të tjera por mesa duket dhe varkat nuk ofrojnë më zgjidhje.
Në varkë ndodhej dhe një ekip xhirimi dhe pjesëtarë të ushtrisë që kanë shkuar në zonë për të ndihmuar banorët. Ende nuk dihet nëse ka shkuar një varkë tjetër në dihmë të tyre.
Shkodra është në pushtetin e ujit prej ditësh dhe shirat e rrëmbyeshëm të rënë 2 ditët e fundit e kanë vështirësuar akoma më shumë situatën. Shtëpi dhe sipërfaqe të tëra toke ndodhen nën pushtetin e ujin. Ndërkohë që hapja e Digës së Hidrocentralit të Vaut të Dejës e ka bërë edhe më të vështirë situatën.
