KOLUMBI– Besnik Nikolli, shqiptari, cili kërkohej në 180 shtete si një person me rrezikshmëri të lartë shoqërore dhe i përfshirë në trafikun e drogës është arrestuar këtë të të shtunë në Kolumbi. Raportohet se shqiptari i njohur ndryshe si “Niko” ose “El Gordo”, akuzohet për aleanca me trafikantët kolumbianë të drogës dhe se konsiderohet një objektiv me vlerë të lartë nga autoritetet franceze, Europol dhe Interpol.
Nikolli akuzohet si i përfshirë gjithashtu në krime të pastrimit të parave dhe kërkohej në më shumë se 180 vende. Nga informacionet që posedonte organi hetimor përcaktohej se alias ‘Niko’ ishte në shërbim të strukturave të trafikut të drogës që kryejnë krime në Francë, Shqipëri, Holandë dhe Gjermani. Me sa duket, prania e tij në Kolumbi synonte të krijonte kontakte me rrjetet e trafikut të drogës. Këto veprime do ta kishin bërë të arrestuarin të konsiderohej një objektiv me vlerë të lartë për Europolin, Interpolin dhe autoritetet franceze.
