Partia Demokratike e Rithemelimit ka shpallur fituesin e primareve për bashkinë e Kukësit.
Emri Vata është shpallur fitues me shumicë votash. Ai ka marrë 274 vota, i ndjekur nga Gëzim Shehu me 170 vota.
Kandidatët e tjerë kanë arritur të marrin përkatësisht Ardian Elezi 163 vota, Uran Cengu 47 vota dhe Ylber Zeneli 18 vota.
Zyra e shtypit e Rithemelimit dha detajet e procesit që u mbajt këtë të diel.
Emri Vata do të kandidojë në 24 shtator përballë Albert Halilajt të PS. Ndërkohë që PD zyrtare ende nuk ka bërë të ditur nëse do të kandidojë apo jo në zgjedhjet e pjesshme lokale për bashkinë e Kukësit.
Njoftimi
Komisioni i Organizimit dhe Kontrollit të Operacioneve Elektorale të Partisë Demokratike ndoqi sot, e diel, 27 gusht 2023, Primaret në PD Kukës per te zgjedhur kandidatin per zgjedhjet e pjesshme per Bashkine Kukes.
Kandidatë në Primare ishin:
1- Ardian Sokol Elezi
2- Emri Haxhi Vata
3- Gëzim Beqir Shehu
4- Uran Rakip Cengu
5- Ylber Haxhi Zeneli
Procesi u hap në orën 8.00 dhe u mbyll në orën 18.00.
Pas numerimit të fletëve të votimit, sipas procesverbalit zyrtar të mbërritur nga Komisioni i Votimit dhe Numurimit, fitues u shpall: z. Emri Vata.
Komisioni i Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kandidatit në zgjedhjet e parakohshme të Bashkisë Kukës.
/ Newszone
