ITALI- Klajdi Bitri, 23 vjeç ka humbur jetën mbrëmjen e djeshme në provincën e Ankonës pasi u fut për të ndarë shokun e tij në një sherr që nisi në rrugë. Autori, i cili është vënë në pranga pak pas ngjarjes e qëlloi me pushkë peshkimi duke e lënë të vdekur në vend.
Si ndodhi ngjarja
Klajdi Bitri mbrojti një shokun e tij, sgkruajnë mediat italiane. Autori ka vepruar sepse makina përpara tij e drejtuar nga viktima po shkonte shumë ngadalë pranë një rrethrrotullimi.
Në atë moment ai dyshohet se doli nga një mjet tip ‘Polo’ e bardhë, me sa duket e drejtuar nga një grua, dhe filloi të dhunonte shoferin, një baba që po udhëtonte me gruan dhe fëmijët e tij të vegjël.
Në mbrojtje të tij ka ndërhyrë 23-vjeçari, i cili i ka ndarë. Por sulmuesi u kthye duke marrë një pushkë peshkimi nga bagazhi dhe duke gjuajtur e duke lënë të vdekur shqiptarin.
