SLLOVENI– Kryeministri Edi Rama dhe homologu i tij i Kosovës Albin Kurti duket se kanë “shkrirë akujt” mes tyre. Në një foto të publikuar nga vetë Rama në rrjetet sociale gjatë takimit në vigjilje të Forumit Strategjik të Bledit që zhvillohet në Slloveni dy liderët shihen duke shtrënguar duart me njëri-tjerin dhe të buzëqeshur. Krah tyre janë kryeministri i Malit të Zi Dritan Abazoviç dhe kreu i Këshillit Europian Charles Michel.
Në darkë mes liderëve të tjerë ishte dhe kryeministrja e Serbisë, Ana Bërnabiç dhe kryeministri i Maqedonisë së Veriut Dimitar Kovaçevski. Në fotot nga takimi Rama dhe Kurti shihen sa afër aq dhe larg njëri-tjetrit por siç tregojnë dhe fotot e mësipërme gjithmonë duke e vëzhguar njëri-tjetrin. A u pajtua Rama dhe Kurti? Dhe kush i pajtoi?. Merita mbase i takon kryeministrit të Sllovonisë Robert Golop.
