Ditët e fundit rrjeti social “Instagram” duket se nuk po gjen qetësi. Është këngetarja Dafina Zeqiri, e cila ka hequr nga lista e saj e ndjekësve ish-partnerin e saj Dj Geek dhe këngëtaren Beatrix Ramosaj. Kjo e fundit e cila ndodhet në SHBA ka bërë një reagim në lidhje me veprimin e këngëtares. Ajo ka postuar një foto në “Instastory” duke u shprehur kështu:
“Nuk kam hequr nga lista e ndjekësve asnjeri. Dua të sqaroj se nuk ka asgjë tjetër përveç dashurisë dhe respektit nga ana ime. Dhe nuk ka pasur kurrë ndonjë tension apo çështje për të cilat jam në dijeni! Por ti bëj atë që di, ik motër!”
Beatrix ka shpjeguar se midis saj dhe Dafinës ka patur vetëm dashuri dhe respekt, asnjëherë tension, duke lënë kështu të nënkuptohet se është Dafina ajo e cila e ka bërë e para këtë veprim në rrjetin e saj social. Nëse bëjmë një kërkim të vogël në “Youtube”, do të shohim se është fshirë edhe kënga që Beatrix kishte në bashkëpunim me Dj Geek. Pas fshirjes së këngës ka reaguar edhe ky i fundit duke shpjeguar se, kjo këngë do të ripostohet sërish, por këtë herë në kanalin e vetë Dj Geek.
