Shoferi i një autobusi privat turistik depërtoi portën hyrëse të bashkisë në qytetin Flegera, në provincën e Napolit, dhe më pas i vuri flakën mjetit përpara se të zhdukej.
Lajmin e dha kryebashkiaku i qytetit Flegrea, Luigi Manzoni.
Në vendngjarje kanë ndërhyrë zjarrfikësit që kanë shuar flakët, policia lokale e Pozzuolit dhe magjistrati që po heton rastin.
Sipas asaj që mësohet, ngjarja është kapur nga kamerat e vëzhgimit.
Kryebashkiaku: Sulm frikacak dhe i dhunshëm
“Ajo që ndodhi është shumë e rëndë: është një sulm frikacak dhe jashtëzakonisht i dhunshëm kundër institucioneve dhe kundër gjithë qytetit”.
Pronari i kompanisë së transportit që ka në pronësi autobusin, deklaroi se nuk kishte dijeni për çështjen dhe se mjeti ishte vjedhur.
“Ne presim rezultatin e hetimeve, thotë Manzoni të cilat tashmë kanë filluar, me besim të plotë dhe total në punën e policisë dhe gjyqësorit, por kushdo që është përgjegjës dhe cilido qoftë motivi duhet të jetë e qartë se kjo administratë dhe ky komunitet nuk do të dorëzohet kurrë para shantazhit të dhunës”.
“Ne do të jemi gjithmonë me kokën lart në krahun e ligjshmërisë dhe transparencës. Ne nuk do të tërhiqemi asnjë milimetër në luftën kundër krimit dhe jam i sigurt se Puteolanët, të gjithë Puteolanët janë me ne në këtë betejë”.
