TIRANË-Shkodra, Lezha, Durrësi, Tirana, Vlora dhe Fieri pritet që të përballen me situatë të rënduar këtë të martë si pasojë e motit të keq që do përfshijë vendin. Paralajmërimin e ka bërë Instituti i Gjeoshkencës.
Sipas IGJEUM në qarqet Shkodër, Lezhë, Durrës, Tiranë, Fier dhe Vlorë mund të ketë vërshime të shpejta të lumenjve të vegjël malorë dhe rrëshqitje të dherave dhe se në zonat urbane, në këto qarqe mund të shfaqen probleme me përmbytje të lokalizuara, në varësi të gjendjes së kanalizimeve.
