KUKËS– Komisioni Qëndror i Zgjedhjeve ka vendosur këtë të martë për fletën e votimit dhe orarin e procesit, kur qytetarët e Kukësit mund t’u drejtohen Qendrave të Votimit më 24 shtator. KQZ ka vendosur qe fleta e votimit të jetë në ngjyrë të artë, njësoj si ajo në zgjedhjet lokale të 14 majit.
Ndërkohë Qendrat e Votimit do të hapen në orën 07:00 dhe do të mbyllen në orën 19:00. 1 shtatori është afati i subjekteve zgjedhore për t’u regjistruar pranë KQZ-së dhe 8 shtatori është afati për kandidatët politikë. Zgjedhjet në Bashkinë e Kukësit u ripësëritën pas video-skandalit të Safet Gjicit.
