SHKODËR-Një 54-vjeçar është vënë nën hetim nga Policia e Shkodrës këtë të martë pasi ka plagosur aksidentalisht një person. Sipas Policisë 54-vjeçari ka dashur të qëllojë me çifte një qen endacak por gabimisht është lënduar një person që po kalonte. Ky i fundit pas marrjes së ndihmës shëndetësore ka dalë nga spitali.
NJOFTIMI I POLICISË:
Specialistët për Hetimin e Krimeve në Komisariatin e Policisë Vau Dejes referuan materialet në Prokurori ku nisi procedimi në gjendje të lirë 54 vjeçari, banues në fshatin Naraç, Vau i Dejës, sepse gjatë tentativës për të vrarë me armë gjahu, një kafshë endacake (qen), ka dëmtuar aksidentalisht, një shtetas, i cili pasi ka marrë ndihmë mjekësore, është larguar në banesë.
