Fshati Dërmish i Finiqit u trondit pasditen e sotme pas lajmit të abuzimit seksual të një 25-vjeçareje nga i ati.
Ramazan Rroko, 57 vjeç u arrestua nga policia, pasi e bija denoncoi në komisariatin e Sarandës se ishte abuzuar në mënyrë të vazhdueshme.
Për mediet kanë folur fqinjët e 57-vjeçarit, të cilët shpehen se nuk ishte njeri problematik në fshat.
“Unë nuk e di të jetë problematik. Se çfarë ka bërë me vajzën e tij, nuk mund të flas. Që të ishte problematik në fshat, nuk ka qenë. Ose që të ngacmonte ndonjë nga femrat në fshat, nuk ka qenë”, thotë një prej fqinjëve.
Rroko jetonte prej vitesh i vetëm në Dërmish, ndërsa e bija pas divorcit të prindërve ishte rritur në shtëpine e fëmijës në Durrës, aty ku jetoi deri para një muaji.
Më pas u zhvendos në Dërmsih për të jetuar me babanë.
Kanë qenë fillimisht fqinjët e të njëjtit pallat që kanë denoncuar 57-vjecarin, ndërsa abuzimin seksual e ka pranuar para efektivëve të policisë 25 vjecarja.
Ajo ka deklaruar se brenda kësaj kohe i ati ka abuzuar disa herë.
