Një sherr për arsye banale ka përfunduar me dy të plagosur në një festival në Menidi, Greqi. Protagonist i ngjarjes ishte një shqiptar, bëjnë me dije mediet fqinje.
Shqiptari, i cili kishte shkuar në festival, kishte nxjerrë armën dhe filloi të debatonte me punëtorët që po mblidhnin tezgat, shkruan newszone.al.
Ai u përfshi në një sherr me dy burra të tjerë. Në përleshje ka ndërhyrë një 35-vjeçar grek (i cili punonte në një dyqan akulloresh). Ky i fundit e goditi shqiptarin në fytyrë dhe e hodhi poshtë.
Episodi përfundoi për të rinisur dy ditë më vonë.
Sipas burimeve policore, në orët e para të mëngjesit shqiptari me armë ka shkuar sërish në festival dhe ka nisur të shajë e të kërcënojë, sipas dëshmitarëve okularë.
Aty ka thirrur 35-vjeçarin për të zgjidhur keqkuptimin e së shtunës së kaluar, por kur janë afruar ai ka nxjerrë një armë dhe e ka qëlluar në këmbë, duke e bërë të rrëzohet i përgjakur, shkruan newszone.al.
Gjatë arratisjes, shqiptari është përplasur me një shtetas që kalonte, si pasojë i ka rënë arma. Më pas 35-vjeçari e ka marrë në duar dhe e ka qëlluar në kokë (sipas dëshmive të para).
Të dy të plagosurit janë dërguar në spital. 35-vjeçari është jashtë rrezikut për jetën, ndryshe nga shqiptari i cili ndodhet në gjendje kritike për jetën me një plumb në kokë.
I plagosuri rëndë njihet është një emër i njohur për autoritetet pasi është përfshirë në një sërë krimesh të rënda dhe ka vuajtur dënimin me burg. Mësohet se ai u lirua nga burgu së fundmi.
Hetimet për ngjarjen vazhdojnë, ndërsa policia do të kërkojë pamjet nga kamerat e sigurisë për të përcaktuar rrethanat e qarta të ngjarjes./newszone.al/
