TIRANË– Rreth 507 objekte janë legalizuar në zonën e Uznovës në Berat. Shumica prej të cilave banesa private. Drejtori i Përgjithshëm i Kadastrës Artan Lame tha se i është dhënë fund problemit të legalizimit në këtë zonë edhe pse është dashur kohë për shkak të procedurave jo korrekte gjatë viteve.
Lame kërkoi bashkëpunimin e Bashkive për t’i dërguar Kadastrës listën e saktë të trojeve. Në zonën e Uznovës u përfshi edhe formalizimi i banesave të vjetra të ndërtuara për para vitit 1990, të cilat edhe ato rezultonin pa dokumente pronësie.
