ITALI– Klajdi Bitri, 23-vjeçari shqiptar ka gjetur vdekjen e menjëhershme pas goditjes me shtizën e peshkimit nga autori. Këtë e ka bërë të ditur raporti i autopsisë së kryer në trupin e të riut nga Mjekësia Ligjore. Sipas autopsisë shtiza i ka dëmtuar zemrën dhe mushkërinë të riut duke i shkaktuar vdekjen e menjëhershme. Melloul Fatah, autori i ngjarjes ndodhet në paraburgim në pritje të daljes para gjykatës për tu njohur me masën e sigurisë ndaj tij.
Mediat italiane i kanë kushtuar një rëndësi të veçantë vrasjes së të riut ndërsa situatën pranë morgut ku ndodhet trupi i pajetë i Klajdit e tregojnë si të zymtë dhe të pushtuar ngas dhimbja. Jashtë morgut qëndron i vëllai, Xhulio vetëm 18 vjeç i rrethuar nga miqtë dhe anëtarë të komunitetit ku banonin. Këta të fundit priten të organizojnë një manifestim ku ti kërkojnë drejtësisë burgm të përjetshëm për autorin.
Nënkryetari i Bashkisë, Giovanni Zinni, cili premton se do ta realizojnë dëshirën e shprehur nga të afërmit për një ceremoni përshpirtjeje dhe marshim nderimi për një djalë shqiptar me zemër kaq të madhe.
“Një djalë i artë, vetëmohues, që u zhduk për të shpëtuar një mikun e tij italian”, dëgjohet të thuhet shpesh nga qytetarë të shumtë në sheshin Regionale, teksa të gjithë vrapojnë të përqafojnë Xhulianon, i cili përshëndet të gjithë me dinjitet dhe kthehet brenda pranë trupit të vëllait.
