Dr. Soloway, analisti politik rus, bëri një deklaratë tronditëse këtë të mërkurrë ku deklaroi se ish kreu i grupit mercenar “Wagner” është gjallë dhe në vend të tij ka vdekur truproja. Progozhini po planifikon të hakmerret ndaj Putin-it. Sipas raportimit të gazetës britanike “Daily Mail”, analisti rus pretendon se kuzhinieri dikur i preferuar dhe aleati i ngushtë i Putinit fshihet në një vend të huaj për sigurinë e tij dhe se lideri i fuqishëm i Kremlinit qëndron pas rrëzimit të avionit të mërkurën e kaluar në kryeqytetin rus. Ja disa nga deklaratat e tij:
“Prigozin është gjallë dhe planifikon të hakmerret ndaj Putinit pas vdekjes së të besuarit të tij dhe shumë prej bashkëpunëtorëve të tij të ngushtë”
“Ai është në gjendje të mirë shëndetësore dhe i lirë dhe do të meret vesh brenda këtij viti”.
“Nuk ka pasur asnjë shpërthim në avion. Ajo u rrëzua nga një raketë e Moskës ”
Valery Soloway tregon se nuk dihet në cilin vend është strehuar Progozhini.
Gjithashtu analisti politik rus akuzon autoritetet e Moskës se gënjejnë që gjetën ADN-në e Prigozhin në vendin e rrëzimit të avionit në rajonin Tver. Dr. Soloway theksoi se do të zbulohet vendi në të cilin Prigozhin ndodhet në mërgim, por mohoi se ai ndodhet në Afrikë ku ushtria private e Wagner ka shumë interesa financiare.
