TIRANË– Një shqiptar identiteti i të cilit nuk është i ditur ka rënë në prangat e Policisë gjermane mbrëmjen e djeshme. Ai së bashku me 10 persona të tjerë u kap në kuadër të një operacioni të zhvilluar nga autoritetet gjermane në luftën kundër trafikut të drogës.
Operacioni u zhvillua në një lokal në zonën e Hamburgut. Autoritet kishin marrë informacione se në këtë subjekt kishte aktivitet të lëndëve narkotike. Grupi e shiste lëndën narkotike 50 euro një gram. Nga kontrollet në ambientin e bastisur nga policia u sekuestruan 45 gramë kokainë dhe një automjet që u përkiste të dyshuarve.
