HUNGARI– “Ukraina nuk ka asnjë shans për të fituar luftën kundër Rusisë ndërsa Donald Trump është shpresa e vetme e Perëndimit“, kështu tha kryeministri hungarez Viktor Orbán gjatë një interviste me gazetarin amerikan Tucker Carlson. Orbán tha se fitorja e Kievit kundër Moskës “nuk është thjesht një keqkuptim. Është një gënjeshtër. Është e pamundur. Ajo që më në fund do të ketë rëndësi janë çizmet në tokë dhe rusët janë shumë më të fortë.” Sipas liderit hungarez vetëm SHBA mund t’i japë fund luftës, shtoi lideri hungarez, raporton Politico.
“Ne e humbëm mundësinë historike për të pranuar Ukrainën në NATO”, i tha Orbán Carlson duke shtuar se Rusia po bëhet “gjithnjë e më e fortë”.
Pranimi i Ukrainës në NATO “nuk është një propozim realist në këtë moment, prandaj harrojeni”, shtoi ai.
Ai gjithashtu nuk beson se rusët do të mërziten nga presidenti Vladimir Putin dhe sheh pak shanse që Krimea t’i kthehet Ukrainës. I pyetur se çfarë do të bënte nëse do të ishte presidenti i SHBA-së Joe Biden, Orban tha:
“Thirrni përsëri Trump! Sepse ju e dini, ju mund ta kritikoni atë për shumë arsye por politika e jashtme më e mirë e disa dekadave të fundit i përket atij. Ai nuk filloi ndonjë luftë të re, ai trajtoi mirë koreano-veriorët, dhe Rusinë dhe madje edhe kinezët dhe nëse do të kishte qenë president në momentin e pushtimit rus të Ukrainës nuk do të ishte e mundur ta bënte këtë. nga rusët”.
“Trump është njeriu që mund të shpëtojë botën perëndimore” dhe gjithë njerëzimin, tha ai.
