Të mërkurën e fundit të këtij muaji, në fshatin Buñol, pranë Valencias, Spanjë u mbajt festivali i hedhjes së domates ku mijëra njerëz u mblodhën në qytetin e vogël në lindje të Spanjës për të hedhur domate kundër njëri-tjetrit. Këtë vit festivali shënoi 76-vjetorin e tij dhe mijëra njerëz nga e gjithë bota mblidhen për t’i hedhur njëri-tjetrit domate të vjetra, të pjekura dhe me cilësi të ulët për argëtim.
La Tomatina fillon kur kamioni me domate rrotullohet në Plaza del Pueblo rreth orës 11:00.Festivali fillon zyrtarisht kur dikush ngjitet në majë të një shtylle druri të gjatë e të lyer me yndyrë për të rrëmbyer pak proshutë nga maja.
Pas një orë luftë me domaten, ajo nuk mund të hidhet më dhe fillon pastrimi. Makinat zjarrfikëse përdoren gjithashtu për të pastruar rrugët dhe banorët vendas përdorin furça për të pastruar shtëpitë dhe rrugët aty pranë.Për të mbrojtur sytë nga pulpa e domates njerëzit mbajnë syze.
