ITALI- Pesë persona kanë humbur tragjikisht jetën pas mesnatës pasi u tërhoqen për rreth 1 km zvarrë nga treni teksa punonin në shinat në zonën e Torinos. Punëtorët ishin të gjithë punonjës të një kompanie të jashtme, Sigifer e Borgo Vercelli.
Në vendngjarje ndodheshin patrulla të shumta të forcave të policisë, karabinierëve dhe Polferit, si dhe ekipe të ndryshme zjarrfikëse.
Ndërkohë personat që shihni në foto janë pesë viktimat. Kevin Laganà, 22 vjeç, nga Vercelli, Michael Zanera, 34 vjeç, nga Vercelli, Giuseppe Sorvillo, 43 vjeç, lindur në Capua dhe banues në Brandizzo, Giuseppe Saverio Lombardo, lindur në Marsala dhe banues në Vercelli dhe Giuseppe Aversa.
Dinamika e aksidentit hekurudhor ende po shqyrtohet nga hetuesit. Punëtorët u përplasën dhe u vranë nga një lokomotivë që përdorej për të lëvizur vagonët. Karvani teknik, jo në shërbim, i cili transportonte një duzinë vagonash nga Alessandria në Torino, ishte në tranzit në stacion (supozohet se për këtë arsye po ecte me një shpejtësi shumë të madhe, ndoshta edhe më shumë se 150 kilometra në orë): ndaloi rreth një kilometër nga pika e goditjes.
