Martesa e çiftit Sam Asghari dhe Britney Spears mori fund disa javë më parë pas më pak se 2 vitesh martesë. Është Sam ai që nuk e ndjek më Britney në ‘Instagram’ pasi ajo bëri kërkesë për divorc në fillim të këtij muaji vetëm pas 14 muajsh martesë. Që pas publikimit të lajmeve rreth ndarjes së tyre janë shfaqur një sërë akuzash nga më të neveritshmet, përfshirë këtu akuzën e Asgharit se Britney e kishte tradhtuar. Megjithatë Asghari vazhdoi ta ndjekë gruan e tij në rrjetin social deri këtë të mërkurrë, më 30 gusht dhe më pas e bëri unfollow.
Duket se Spears nuk u ndikua aspak nga ky ndryshim pasi ajo poston vazhdimisht foto në llogarinë e saj në ‘Instagram’, ku shihet duke kërcyer e lumtur dhe e shkujdesur. Me një postim të saj pak ditë më parë Britney Spears mohoi atë që pretendonte dokumentari i ri i publikuar nga TMZ për të dhe divorcin e saj nga Sam Asghari. Videoja në fjalë pretendonte se ylli i popit dhe ish-bashkëshorti i saj kishin një debat të ashpër para ndarjes, duke rezultuar në goditjen e kokës së saj dhe nevojën për qepje.
Ishte Harvey Levine, themeluesi i TMZ ai që e përshkroi incidentin në detaje. Sipas tij, gjatë një debati në dhomën e tyre të hotelit në Londër, situata u përshkallëzua, sepse Spears përplasi kokën në një tavoline. Megjithatë këngëtarja e ka mohuar atë që është dëgjuar me një video që ka publikuar në llogarinë personale në Instagram.
Në të, ajo shihet në moshë të re, ndoshta në hapat e saj të parë në muzikë, duke pozuar për fotografët dhe duke xhiruar videoklipe.
Ajo më pas shkroi:
“Më parë kishte dokumentarë si ai i TMZ… Nuk ishte e pranueshme që shtypi të bënte një shfaqje kundër njerëzve të pafajshëm dhe të përhapte informacione të rreme dhe të shkatërronte dike me thashetheme”
