Rene Lorente, muzikanti dhe kompozitori i njohur amerikan ka ngritur së fundmi një padi ndaj këngëtares Karol G në Gjykatën e Qarkut të Shteteve të Bashkuara. Ai ka ngritur akuzën për plagjiaturë për këngën “Don’t Be Shy”, të cilën ajo e ka në bashkëpunim me DJ Tiesto.
Sipas dokumentit gjyqësor, Karol është paditur për shkelje të së drejtës së autorit dhe plagjiaturë.
Padia e ngritur ka lidhje me këngën origjinale të Lorente “Algo Diferente” e vitin 1998, e cila sipas një raporti ka një ngjashmëri me “Don’t Be Shy”.
Kompozitori ka kërkuar 3 milionë dollarë dëmshpërblim nga këngëtarja pasi kjo e fundit i ka shkaktuar “dëme psikologjike, poshtërim, dëmtim të reputacionit dhe siklet”. Ky është njoftimi rreth kësaj çështjeje:
“Nëpërmjet një analize të detajuar të elementeve muzikore, lirike dhe strukturore të të dyja këngëve, është konstatuar se ka ngjashmëri të pamohueshme domethënëse që shkojnë përtej kufijve të ndikimit të përbashkët apo rastësisë”, sipas dokumentit të padisë së paraqitur në gjykatë”.
