Komuna e Prishtënës ka bërë firmosjen e kontratave me qytetarët të cilët do të adoptojnë qentë endacakë. Ceremonia u zhvillua në stehimoren e licensuar nga Agjencia e Veterinës ku mori pjesë edhe kryetari i Prishtinës Përparim Rama. Sipas njoftimit të RTK kryetari theksoi se me këtë iniciativë tregohet interesimi I Komunës së Prishtinës për t’u marrë më këtë çështje. Ja si shprehet ai:
“Kemi punuar në vazhdimësi që qytetarët të mos rrezikohen nga qentë, në mesin e hapave është edhe nënshkrimi i kontratave sot me familjet që do të adoptojnë qentë. Çdo qytetar nga krejt territori i Kosovës është i mirëseardhur të adoptojë qentë endacak në kryeqytet. Në këtë mënyrë iu ndihmojmë kafshëve e u ofrojmë siguri qytetarëve”.
Sipas tij, ta që lëshojnë qentë e adoptuar dhe nuk i mbajnë konform marrëveshjes do të gjobiten.
Lulzim Fushtica, drejtori i Emergjencave në Prishtinë ka theksuar se nëse haset në rrugë që një qen i adoptuar e që është braktisur, atëherë gjoba do të jetë nga 1 mijë deri në 3 mijë euro, varësisht nga shkelja që konstatohet.
