TIRANË- Sot ikona e kinematografisë shqiptare Tinka Kurti feston 90- vjetorin e saj. Ajo lindi më 17 dhjetor të vitit 1932 në Sarajevë të Bosnje-Hercegovinës, nga një baba shqiptar nga Dukagjini i Shkodrës dhe nga një nënë hungareze.
Megjithëse ka lindur në Sarajevë ajo eshtë shprehur se: “Unë jam aktore e Shkodrës. Atje kam dashurinë, dhimbjen, mallin dhe pengjet e mia”.
Kurti numëron plot 35 filma artistike, duke filluar nga filmi shqiptar me metrazh të gjatë “Tana”, në vitin 1958. Që nga viti 1949 e deri kur doli ne pension ajo ishte aktore e Teatrit Migjeni të Shkodrës, ku ka interpretuar 120 role.
Sa herë ajo ngjitet në skenë ajo korrë sukses dhe sa herë që interpreton në filma nderohet. Gjatë karrierës së saj ajo është vlerësuar me shumë tituj të ndryshëm duke filluar nga Artiste e Merituar e Artiste e Popullit në 1961. Në 1994 ajo hyri në enciklopedinë e Insitutit Biografik Amerikan në botë ku më 17 dhjetor 2007 ajo u ftua në Uashington (SHBA) për të vendosur një pllakë mermeri me emrin e saj në këtë institut.
Zëri i saj i mrekullueshëm dhe interpretimi saj i ndjerë do na shoqërojnë gjatë gjithë jetes. Ne i urojmë aktores Gëzuar Ditëlindjen, duke i uruar shëndet dhe jetë sa më të gjatë.
