Mbrëmjen e kaluar në disa zona të Suedisë janë raportuar shpërthime të njëpasnjëshme ku vetëm brenda një ore policia konfirmoi 4 raste të shpërthimit me bombë në zonat: Gothenburg, Stokholm dhe Nyköping, të cilat ndodhen pak minuta larg njëri-tjetrit.
Vetëm pas një ore u raportuan edhe dy shpërthime të tjera në një distancë prej disa minutash në Norsborg, periferi në jug të Stokholmit dhe në Nyköping, rreth 100 kilometra në jug të kryeqytetit. Në të dyja rastet, policia tha se askush nuk u lëndua.
Njoftimi i policisë:
“Të dy vendet janë rrethuar dhe hetimet teknike janë në vazhdim. Nuk raportohet për persona të lënduar, vetëm dëme materiale.”
Gjithashtu policia tha se skuadra kombëtare e bombave ishte thirrur në vendngjarje.Mediat e huaja shkruajnë se të katërta shpërthimet ishin në ndërtesa banimi.
