Francisco Antunes Sobrinho, 52 vjeç dhe vëllai i tij i vogël Eduardo Antunes de Silveria, 38 vjeç humbën jetën më 19 gusht, në të njejtin spital, pas dy vitesh luftë me sëmundjen e tmerrshme. Ata po mbështesnin njëri-tjetrin në betejën e vështirë të kancerit.
52-vjeçari u diagnostifikua me kancer në zorrë në maj të 2021, ndërsa vëllait të tij të vogël vetëm një muaj më pas iu komunikua se dhe ai kishte kancer, por në mëlçi.Vëllezërit po luftonin me jetën e tyre për një kohë të gjatë, por gjendja e tyre u përkeqësua papritur. Eduardo u dërgua me urgjencë në një spital atyre pranë në Santa Cruz, Rio de Janeiro, Brazil. Ai qëndroi katër ditë në spital para se të ndërronte jetë. Më 19 gusht familjarët morën lajmin e trishtë se 38-vjeçari kishte ndërruar jetë. Teksa të afërmit po organizonin funeralin e tij, Francisco u dërgua me urgjencë në po të njëjtin spital ku i vëllai humbi jetën.
Vetëm disa orë më vonë ai vdiq në të njëjtin shtrat ku ishte i shtrirë i vëllai.Francisco dhe Eduardos kishin edhe një vëlla tjetër i cili në një prononcim për mediat vendase tha se ata ishin aq të lidhur me njëri-tjetrin sa vdiqën në të njëjtin shtrat spitalor.
“Ky është një nga momentet më të trishta në jetën time dhe të gjithë familjes time”- u shpreh ai.
