MALIQ– Një ngjarje e rëndë është regjistruar në Maliq. Mësohet se tre persona kanë mbetur të plagosur rëndë pasi një bombol gazi ka shpërthyer në një banesë. Ngjarja ka ndodhur këtë pasdite në Maliq, në fshatin Vashtëmi, rreth orës 16:15.
NJOFTIMI I POLICISË:
Më datë 17.12.2022, rreth orës 16:15, në fshatin Vashtëmi, Maliq, në banesën e shtetasit R. K., 59 vjeç, dyshohet se nga pakujdesia ka plasur një bombol gazi. Për pasojë kanë marrë djegie trupore shtetasit R. K; djali i tij T. K., 34 vjeç, si edhe familjari i tyre shtetasi A. M., 40 vjeç, të cilët ndodhen në spitalin e Korçës nën kujdesin e mjekëve. Grupi hetimor po punon për sqarimin e rrethanave të ngjarjes.
