KINË- Rritet numri i rasteve të të prekurëve me Covid-19 në Kinë, Shangai urdhëron mbylljen e shkollave. Mësimi do të zhvillohet onlinë, çerdhet dhe qëndrat e kujdesit për fëmijët do të mbyllen nga e hëna sipas Drejtorisë Arsimore të Shangait.
Kujtojmë se kufizimet u lehtësuan nga autoritetet në fillim të këtij muaji pas një vale protestash që synonin sistemin “zero-covid”Pas braktisjes së kësaj strategjie, ka pasur një shpërthim të rasteve të vetë-raportuara në të gjithë vendin.
Ka shqetësime se infrastruktura shëndetësore e Kinës nuk është e përgatitur për të përballuar një rritje të shpejtë të pacientëve, veçanërisht pasi Covid përhapet tek të moshuarit, shumë prej të cilëve nuk janë plotësisht të vaksinuar.
