Është vënë në pranga nga Policia e Fierit një person dhe janë proceduar në gjendje të lirë dy të tjerë për zjarrvënie në disa fshatra. Shtetasi i arrestuar ndezi një zjarr për të djegur mbeturinat në tokën e tij në fshatin Luar, por më pas flakët përfshinë dhjetëra rrënjë ullinj në pronësi të një tjetri.Një person tjetër u procedua pasi teksa ndezi zjarr në tokën e tij në fshatin Kreshpan, ku si pasojë e zjarrit u dogj edhe një sipërfaqe toke me barishte dhe me shkurre. Personi tjetër i proceduar ndezi zjarr në fshatin Grabian të Divjakës, i cili përfshiu gjithashtu një sipërfaqe toke me barishte dhe me shkurre.
