Albi Mecini, i dyshuari për rrëmbimin e Leonard Thodhorit dhe Fatmir Sulovarit, do të dalë sot para gjykatës së Sarandës. Një ditë më parë, Mecini doli para gjykatës së Fierit, ndaj të cilit u dha edhe masa ‘arrest me burg’. Mecini dyshohet se do të vriste një emër të njohur të botës së krimit në Fier. Arrestimi i tij është bërë në Fier në aksin rrugor “Mbrostar-Fier” me 2 çanta brenda ku ndodheshin 2 pako me rreth 21.3 kilogramë lëndë plasëse artizanale, të montuara me celularë, për shpërthim në distancë gjatë një kontrolli rutinë nga policia.
