“Big Brother Vip 2” ndryshoi rrënjësisht jetën e Luiz Ejlli. Përpos çmimit të madh, këngëtari fitoi shumëçka nga ky format shto këtu edhe dashurinë.
Pas përfundimit të këtij rrugëtimi, këngëtari është bërë mjaft aktiv nëpër koncerte dhe me projekte të reja muzikore, teksa është dhe aktori kryesor në filmin “Në Kuadër të Dashurisë”.
Pushimet mbaruan dhe së fundmi ai ka lajmëruar bashkëpunimin e rradhës. Ai si duket do të jetë me dy këngëtarët e njohur, Brunon dhe Klajdi Harunin.
Këtë lë të kuptojmë një story e tij e fundit me dy artistët, ku krahas shkruan: Fourdots.
Sipas burimeve nga Top Channel, kompozitori i njohur Flori Mumajesi po përgatit një baladë për Luizin, e cila do publikohet në vjeshtë dhe me siguri do të prekë zemrat e gjithë shqiptarëve. Kjo vjen menjëherë pas bashkëpunimit që Luizi ka patur me Getoarin. Mos ndoshta me këtë bashkëpunim, Luizi po i bën diss Getoarit?
Gjithashtu mësohet se për një javë do dalë kënga e re ritmike e Luizit me titullin “Amaneti”, e cila ka të bëjë me amanetin që nëna i jep për t’u kujdesur dhe për ta dashuri partneren e tij sa të ketë jetë.
Nëna më tha vetë, amanet, amanet.
Duaje sa të kesh jetë, amanet, amanet
Më kujtohet dita kur i pashë ata dy sy
Me shpirt e njiva se kisha me u lidh me ty
Janë këto disa vargjet e para të këngës së re të Luiz Ejllit, që zbulohen ekskluzivisht për publikun nga Top Channel.
