KOSOVË– Policia e Kosovës ka njoftuar se ka sekuestruar mbi 100 mijë euro të falsifikuara. Mediat e Kosovës bëjnë me dije se sekuestrimi ka ndodhur gjatë kontrolleve që janë kryer në gjashtë vende të ndryshme. Përveç parave, janë sekuestruar edhe telefona, pistoletë, shufër metalike, elektroshok dhe leva hekuri. Për këtë rast, janë marrë në pyetje shtatë persona të dyshuar.
“FALSIFIKIM I PARASË-Prizren 2021-2022. Njësitë policore kanë kryer urdhër kontroll në gjashtë lokacione të ndryshme, gjatë kontrollit janë sekuestruar: 9,930 (nëntë mi e nëntëqind e tridhjetë) €, 380 (treqind e tetëdhjetë) CHF, 272 (dyqind e shtatëdhjetë e dy) € para metalike 7 (shtatë) telefona, një pistoletë 90 (nëntëdhjetë) fishekë, një shufër metalike, një elektroshok dhe dy boksa të hekurit. Lidhur me rastin janë intervistuar 7 (shtatë) të dyshuar meshkuj kosovarë dhe me vendim të prokurorit pas intervistimit janë liruar në procedurë të rregullt”, thuhet në raport.
