Rreth tre ton drogë janë sekuestruar nga Europol-i duke shkakërruar kështu një bandë kriminale me bazë në Ballkan. Ky operacion nisi nga policia që nga janari i vitit 2022 dhe në pranga të Europol-it u vunë 6 persona dhe u sekuestruan 2.7 tonë drogë si dhe automjete, ora luksoze, 550 00 euro.
Janë nisur hetimet nga Departamenti i Policisë Kriminale në Beograd për këtë organizatë e cila besohet të jetë e përfshirë në trafikun e kokainës nga Amerika e Jugut në BE, që në janar të 2022-it. Hetuesit identifikuan një shtetas serb si një nga organizatorët kryesorë të rrjetit kriminal. Dy persona të tjerë, një çek dhe një ukrainas, udhëtonin drejt Capo Verdes ose vendeve të tjera në Afrikën Perëndimor për të përgatitur anijet për kontrabandën e drogës. Këta persona rregullonin operacionet e transportit përmes platformave të komunikimeve të koduara si: Encrochat, Sky ECC dhe Anom, në të cilat ato komunikonin me shtetas të tjerë nga vendet e rajonit të Ballkanit.
Për këtë arsye, Europol krijoi Kartelin Ballkanik të Task Forcës Operacionale për të dhënë një përgjigje ndaj këtij kërcënimi. Operacioni u udhëhoq nga Serbia. Në të u përfshinë edhe autoritetet e zbatimit të ligjit nga Brazili, Kroacia, Franca, Polonia, Portugalia, Spanja dhe Sllovenia dhe u mbështet nga Qendra e Analizës dhe Operacioneve Detare – Narkotikët (MAOC-N).
