Është arrestuar në aeroportin e Rinasit një 23-vjeçar amerikan për kontrabandim mallrash. Mësohet se shtetasi amerikan ka tentuar të kontrabandojë në Shqipëri veshje dhe aksesorë të ndryshëm me vlerë 14 300 dollarë, të cilat u sekuestruan në cilësinë e provës materiale. Në valixhen e shtetasit gjatë kontrollit i janë gjetur mallra të ndryshme që ai nuk i kishte deklaruar në doganë, siç përcaktohet me ligj. 23- vjeçari akuzohet për veprën penale “Kontrabanda me mallra të tjera”.
