Jimmy Buffet, kantautori amerikan ka ndërruar jetë në jetë në moshën 76-vjeçare. Mediat e huaja raportojnë se muzikanti, I njohur me hitin e tij Margaritaville, vdiq në gjumë. Në një deklaratë të publikuar në faqen zyrtare të kantautorit thuhet:
“Jimmy ndërroi jetë i qetë në natën e 1 shtatorit i rrethuar nga familja, miqtë, muzika dhe qentë e tij. Ai e jetoi jetën e tij si një këngë deri në frymën e fundit dhe do t’i mungojë pa masë shumë njerëzve”
Në deklaratë nuk specifikohej se kur vdiq artisti dhe nuk dihet shkaku i vdekjes. Në muajin maj, Buffet u detyrua të shtynte koncertet për shkak të një sëmundjeje. Nëpërmjet rrjeteve sociale, ai tregoi se ishte shtruar në spital, por pa dhënë detaje të mëtejshme.
Karriera e tij zgjati pesë dekada dhe përfshinte shkrimin dhe drejtimin e një perandorie biznesi. Buffett publikoi 27 albume në studio. Ai shkroi gjithashtu disa libra më të shitur dhe dy libra për fëmijë, lançoi kompaninë e tij diskografike (Margaritaville Records) dhe bëri paraqitje të shumta në filma dhe shfaqje televizive të ndryshme. Gjithashtu bashkëthemeloi shoqatën e bamirësisë Save the Manatee Club me ish-guvernatorin e Floridës Ron Graham në 1981.
