Deputeti i PD-së, Lefter Gështenja ka reaguar pas miratimit të Statutit të ri në Kuvendin Kombëtar, i cili i jep kryetarit të partisë edhe funksionin e kreut të grupit parlamentar.
Ai ironizoi kreun e partisë, Lulzim Basha duke thënë se “mblodhi Kuvende për të përjashtuar ata me të cilët bërë betejën”.
Gështenja iu drejtua duke thënë se “të vetëshpallesh kryetar i përjetshëm, s’mund të quhet Parti Demokratike”.
“Të bësh luftë kundër kultit të individit e më pas të mbledhësh Kuvende për të përjashtuar ata që bëre betejën dhe të vetëshpallesh kryetar i përjetshëm, vetëm kjo s’mund të jetë dhe s’mund të quhet Partia Demokratike.
Është koha për një Parti Demokratike gjithëpërfshirëse, më të fortë dhe jo më të dobët se e djeshmja!”, shkroi deputeti.
