ELBASAN– Një incident i rëndë ka ndodhur në Komisariatin e Policisë së Elbasanit. Burimet bëjnë me dije se autori është 32-vjeçari Aurel Latifi. Ai i ka vënë flakën dritares së ankesave për qytetarët duke rrezikuar dhe jetën e dy punonjësve që ndodheshin në shërbim në atë moment. Nuk dihen ende motivet apo arsyet që e ka çuar 32-vjeçarin drejt këtij akti ekstrem.
Raportohet se i riu është një person që vuan me probleme të shëndetit mendor dhe sapo është kthyer nga emigracioni pasi ka qenë në Francë. Blutë e Elbasanit bëjnë me dije se ai është arrestuar menjëherë në vendin e ngjarjes. I riu për shkak të zjarrit ka pësuar disa lëndime në trup.
