Kanë mjaftuar 54 sekonda për boksierin shqiptar, Florian Marku për të triumfuar në ndeshjen ndaj Dylan Moran, të mbajtur në Manchester Arena.
Marku, në sekondat e para goditi fort kundërshtarin, duke bërë që arbitri të mbyllë sfidën më shpejt se ç’ishte parashikuar. Kjo ishte një fitore e arritur me Knock Out teknik dhe me shumë meritë nga ana e boksierit shqiptar.
“Kam punuar kaq shumë për këtë rikthim. Unë dua ndeshje të mëdha. Boksierët nuk duan të ndeshen me mua”, tha Marku.
“Më jepni një boksier të fortë dhe do shikoni çfarë do iu dhuroj”, shtoi ai më pas.
Kujtojmë se Florian Marku vijon të mbetet një nga më të mirët dhe të mbajë lart flamurin shqitar
Mbështetësit e tij presin me padurim ndeshjet në të ardhmen dhe pritshmëritë për të janë tejet të mëdha.
