TIRANË– Kryeministri Edi Rama gjatë takimit me mjekët me rastin e festave të fundvitit ka zbuluar dhe një vizitë që ka pasur disa vite më parë tek një mjek pasi kishte pasur luhatje me tensionin. Kreu i qeverisë tha se mjekur kardiolog e kishte ndihmuar të kalonte shqetësimet që kishte pasur dhe se mjekimi kishte rezultuar i efektshëm. Rama tha se kush thotë që mjekët tani nuk japin ekspertizën e saktë gabojnë.
Edi Rama: Unë falënderoj Dr. Artanin, madje dua të zbuloj një sekret. Fillova të shoh lëkundjet e tensionit dhe e falenderoj me vete shpesh herë sepse ma ka stabilizuar tensionin në mënyrë sekrete. Ky është vetëm një nga faktet e mira të fshehura lidhur me shërbimin mjekësor. E them këtë për të gjithë ata që dyshojnë se mjekët tanë japin ekspertizën e duhur gjatë vizitave. Kur më vizitoi doktori unë isha kryetar bashkie dhe më tha do marrësh një karamele të vogël çdo mëngjes dhe nuk do kesh probleme. I thashë po ç’bëhet kështu, u plaka. Mu përgjigj: Nuk u plake por u poqe.
